Ս. Մարիամ Աստուածածնի Պատկերը Կը Քանդակուի Մարմարի Վրայ` Պիքֆայայի Վանքին Համար
Արամ Ա. կաթողիկոսին թելադրութեամբ քանդակագործ Վարդան Աւէսեան Ս. Մարիամ Աստուածածնի
պատկերը կը քանդակէ մարմարի վրայ: Քանդակին մեծութիւնը պիտի ըլլայ 1.5 մ լայնք եւ 2 մ
երկայնք: Քանդակը պիտի զետեղուի Պիքֆայայի վանքին մէջ կառուցման ընթացքի մէջ գտնուող
նահատակաց խորանին վրայ: Վարդան Աւէսեան ծնած է Երեւան, եւ 1985-էն ի վեր հաստատուած
է Պէյրութ: Ան իր աստուածատուր շնորհով քանդակագործութեան մարզին մէջ կարեւոր իրագործումներ
կատարած է: Ս. Մարիամ Աստուածածնի պատկերը արուեստի իմաստով բացառիկ իրագործում մը կարելի
է նկատել: Իր մասին վկայելով ուրիշ արուեստագէտ մը ըսած է` «մուրճն ու քարը անոր անբաժան
ու հաւատարիմ բարեկամները եղած են: Անոր մուրճի ամէն մէկ հարուածին հետ միասին տաշուած
ու քանդակուած է նաեւ իր հոգին` կերտելով խոնարհ, ծառայասէր եւ աստուածավախ արուեստագէտի
մը կերպարը»: